Sie sind hier: Startseite

Ochranowske hesło dnja

Štwórtk, 4. julija/pražnika

Derje temu, kiž so wo słabeho stara! Teho Knjez wumóži w złym času.

Ps 41,2

Dobrotu wopokazać a z druhimi dźělić njezapomńće; přetož tajke wopory spodobaja so Bohu.

Hebr 13,16
Jap 15,4–12 + 2 Mójz 23,10–19

Aktualne informacije – Aktuelle Informationen

  • keine Termine verfügbar

Zur Terminübersicht

Serbske ewangelske towarstwo z.t.

Lube sotry, lubi bratřa!

Jako ewangelscy Serbja směmy zhladować na lětstotki wuznamnych stawiznow, na kotrež směmy z prawom hordźi być. Wjele prócowarjow wo narod a wěru je z našich rjadow wušło! Jednotliwcy a serbske ewangelske towarstwa su w zańdźenosći wažne skutki za naš serbski lud wukonjeli. Wěra a narod tworištej za nich njedźělomnu jednotu, a jich skutki słužachu „Bohu k česći a Serbam k wužitku“.

Dźensa być z ewangelskim Serbom, mnohim njeje lochko. Smy w mjeńšinje w swojich wosadach a wsach a husto samo w swójbach. Při wšěm nochcemy zapomnić na naše namrěwstwo a chcemy so hromadźić k skutkowanju w najlěpšej tradiciji swojich prjedownikow. Tehodla smy załožili 18. junija 1994 na Serbskim ewangelskim cyrkwinskim dnju w Njeswačidle Serbske ewangelske towarstwo.

Towarstwo ma zaměr, serbske ewangelske žiwjenje spěchować. Wone zarjaduje kóždolětne Serbske ewangelske cyrkwinske dny. Wone podpěruje serbske wosadne žiwjenje a dźěło ze serbskimi dźěćimi a młodostnymi. Zhromadnje ze Serbskim wosadnym zwjazkom smy zamołwići za wudawanje časopisa „Pomhaj Bóh“, ale tež „Serbski lekcionar“, spěwnik za dźěći a druhe publikacije smy wobstarali. Podpěrujemy wobnowjenje pomnikow, kiž swědča wo serbskej ewangelskej tradiciji.

W našich rjadach je kóždy witany, kotryž čuje so zwjazany z ewangelskim Serbstwom a chce jo podpěrać.