Sie sind hier: Startseite

Ochranowske hesło dnja

Štwórtk, 9. oktobra/winowca

Knjez rěčeše Abramej: W tebi budu žohnowane wšitke narody na zemi.

(1 Mójz 12,1.3)

Ći, kotřiž z wěry su, budu požohnowani z wěriwym Abrahamom.

(Gal 3,9)
Fil 1,18b–26 + Lk 17,1–10

Aktualne informacije – Aktuelle Informationen

  • 12.10.

    12:00

    nutrnosć w serbskim rozhłosu (sup. n. w. Malink)

  • 13.10.

    16:30

    zmakanje kupki Serbska namša a pósejźenje pśedsedaŕstwa Spěchowańskego towaristwa za rěc w cerkwi w Serbskem wósadnem zmakanišću w Chmjelowje

  • 18.10.

    14:00

    w Hodźiju so wopomnjenska šćežka za ludoweho basnika Pětra Młónka zjawnosći předoda

Zur Terminübersicht

Serbske ewangelske towarstwo z.t.

Lube sotry, lubi bratřa!

Jako ewangelscy Serbja směmy zhladować na lětstotki wuznamnych stawiznow, na kotrež směmy z prawom hordźi być. Wjele prócowarjow wo narod a wěru je z našich rjadow wušło! Jednotliwcy a serbske ewangelske towarstwa su w zańdźenosći wažne skutki za naš serbski lud wukonjeli. Wěra a narod tworištej za nich njedźělomnu jednotu, a jich skutki słužachu „Bohu k česći a Serbam k wužitku“.

Dźensa być z ewangelskim Serbom, mnohim njeje lochko. Smy w mjeńšinje w swojich wosadach a wsach a husto samo w swójbach. Při wšěm nochcemy zapomnić na naše namrěwstwo a chcemy so hromadźić k skutkowanju w najlěpšej tradiciji swojich prjedownikow. Tehodla smy załožili 18. junija 1994 na Serbskim ewangelskim cyrkwinskim dnju w Njeswačidle Serbske ewangelske towarstwo.

Towarstwo ma zaměr, serbske ewangelske žiwjenje spěchować. Wone zarjaduje kóždolětne Serbske ewangelske cyrkwinske dny. Wone podpěruje serbske wosadne žiwjenje a dźěło ze serbskimi dźěćimi a młodostnymi. Zhromadnje ze Serbskim wosadnym zwjazkom smy zamołwići za wudawanje časopisa „Pomhaj Bóh“, ale tež „Serbski lekcionar“, spěwnik za dźěći a druhe publikacije smy wobstarali. Podpěrujemy wobnowjenje pomnikow, kiž swědča wo serbskej ewangelskej tradiciji.

W našich rjadach je kóždy witany, kotryž čuje so zwjazany z ewangelskim Serbstwom a chce jo podpěrać.