Sie sind hier: Startseite

Ochranowske hesło dnja

Njedźelu, 22. nowembra/nazymnika

Poslednja njedźela cyrkwinskeho lěta / njedźela wěčnosće
Njech su waše bjedra wopasane a waše swěcy zaswěćene.

(Lk 12,35)
Mt 25,1–13 + Zjew 21,1–7

Runje kaž dešć a sněh z njebja pada a so tam zaso njewróći, chibazo prjedy zemju napoji a ju płódnu sčini a da wšemu rosć, zo wona symjo dawa k syću a chlěb k jědźi, tak ma so tež ze słowom, kotrež z mojeho erta wuńdźe.

(Jez 55,10–11)

Na dobrej roli pak su ći, kiž słowo słyša a zachowaja je w pěknej a dobrej wutrobje a přinjesu płód w sćerpliwosći.

(Lk 8,15)

Aktualne informacije – Aktuelle Informationen

Neuste Zeitungsausgabe
  • 25.11.

    15:00

    posedźenje Serbskeje přirady ewangelskeje cyrkwje w Choćebuzu

  • 28.11.

    14:00

    zgromaźina cłonkow Spěchowańskego towaristwa za serbsku rěc w cerkwi z. t. w Chmjelowje

  • 28.11.

    15:00

    ekumeniske wosadne popołdnje we wosadnym domje Hubertusoweje wosady na Běłym Jelenju w Drježdźanach (sup. Rummel)

Zur Terminübersicht

Serbske ewangelske towarstwo z.t.

Lube sotry, lubi bratřa!

Jako ewangelscy Serbja směmy zhladować na lětstotki wuznamnych stawiznow, na kotrež směmy z prawom hordźi być. Wjele prócowarjow wo narod a wěru je z našich rjadow wušło! Jednotliwcy a serbske ewangelske towarstwa su w zańdźenosći wažne skutki za naš serbski lud wukonjeli. Wěra a narod tworištej za nich njedźělomnu jednotu, a jich skutki słužachu „Bohu k česći a Serbam k wužitku“.

Dźensa być z ewangelskim Serbom, mnohim njeje lochko. Smy w mjeńšinje w swojich wosadach a wsach a husto samo w swójbach. Při wšěm nochcemy zapomnić na naše namrěwstwo a chcemy so hromadźić k skutkowanju w najlěpšej tradiciji swojich prjedownikow. Tehodla smy załožili 18. junija 1994 na Serbskim ewangelskim cyrkwinskim dnju w Njeswačidle Serbske ewangelske towarstwo.

Towarstwo ma zaměr, serbske ewangelske žiwjenje spěchować. Wone zarjaduje kóždolětne Serbske ewangelske cyrkwinske dny. Wone podpěruje serbske wosadne žiwjenje a dźěło ze serbskimi dźěćimi a młodostnymi. Zhromadnje ze Serbskim wosadnym zwjazkom smy zamołwići za wudawanje časopisa „Pomhaj Bóh“, ale tež „Serbski lekcionar“, spěwnik za dźěći a druhe publikacije smy wobstarali. Podpěrujemy wobnowjenje pomnikow, kiž swědča wo serbskej ewangelskej tradiciji.

W našich rjadach je kóždy witany, kotryž čuje so zwjazany z ewangelskim Serbstwom a chce jo podpěrać.