Předsydstwo přeprošuje wutrobnje na lětušu sobustawsku zhromadźiznu Serbskeho ewangelskeho towarstwa na reformaciskim dnju, 31. oktobra, do Njeswačidła, hdźež bě so towarstwo před 30 lětami załožiło. Zeńdźenje zahaji so w 14.00 hodź. na wosadnej žurli w cyrkwi.
Dnjowy porjad:
- witanje a swačina
- rozprawa předsydstwa
- rozprawa rewizorow
- schwalenje rozprawow
- namjety za dalšu dźěławosć towarstwa
- přednošk sup. n. w. Jana Malinka: „W słužbje za cyrkej a Serbow – 30 lět Serbske ewangelske towarstwo“
Kónc budźe někak w 17.00 hodź.
Čłonojo towarstwa a hosćo, kotřiž so za serbske ewangelske wosadne žiwjenje zajimuja, su lubje witani.
Mato Krygaŕ
předsyda