Na iniciatiwu Bukečanskeje Bjesady móža sej čitarjo nětko tež knihi ze serbskej tematiku w Bukečanskej bibliotece wupožčić. Knihi za 400 eurow je gmejna wot pawšale kraja Sakskeje za dwurěčne komuny zapłaćiła. Bjesada chce knihi nětko tež zjawnosći předstajić a přeprošuje tehodla štwórtk, 13. měrca, we 18 hodź. na prezentaciju nowych knihow do rumnosće Kulturu spěchowaceho towarstwa na Karla Marxowej dróze 14 w Bukecach. Při tym čita Měrana Cušcyna ze swojeje zběrki basnjow „innen bröckelt die unerhörte Schicht“, kiž tematizuje mjez druhim tež Čornobóh a krajinu dokołowokoło.
Bukečanska Bjesada