Sie sind hier: Startseite

Ochranowske hesło dnja

Srjedu, 9. julija/pražnika

Runje tak kaž sym nad nimi stražował, zo bych zwutorhał a spotorhał, tak budu nad nimi stražować, zo bych twarił a płodźił, praji Knjez.

(Jer 31,28)

Zjewiła je so zbóžna hnada Boža wšitkim čłowjekam a rozwuči nas, zo dyrbimy so wotrjec bjezbóžneho wašnja a swětnych lóštow a žiwi być pócćiwje, prawje a pobožnje na swěće.

(Tit 2,11–12)
Jan 5,1–16 + Jap 14,8–20a

Aktualne informacije – Aktuelle Informationen

  • 13.07.

    12:00

    nutrnosć w serbskim rozhłosu (sup. Rummel)

  • 20.07.

    08:30

    kemše z Božim wotkazanjom w Poršicach (sup. n. w. Malink)

  • 21.07.

    16:30

    zmakanje kupki Serbska namša a pósejźenje pśedsedaŕstwa STSRC w zmakanišću w Chmjelowje

Zur Terminübersicht

Serbske ewangelske towarstwo z.t.

Lube sotry, lubi bratřa!

Jako ewangelscy Serbja směmy zhladować na lětstotki wuznamnych stawiznow, na kotrež směmy z prawom hordźi być. Wjele prócowarjow wo narod a wěru je z našich rjadow wušło! Jednotliwcy a serbske ewangelske towarstwa su w zańdźenosći wažne skutki za naš serbski lud wukonjeli. Wěra a narod tworištej za nich njedźělomnu jednotu, a jich skutki słužachu „Bohu k česći a Serbam k wužitku“.

Dźensa być z ewangelskim Serbom, mnohim njeje lochko. Smy w mjeńšinje w swojich wosadach a wsach a husto samo w swójbach. Při wšěm nochcemy zapomnić na naše namrěwstwo a chcemy so hromadźić k skutkowanju w najlěpšej tradiciji swojich prjedownikow. Tehodla smy załožili 18. junija 1994 na Serbskim ewangelskim cyrkwinskim dnju w Njeswačidle Serbske ewangelske towarstwo.

Towarstwo ma zaměr, serbske ewangelske žiwjenje spěchować. Wone zarjaduje kóždolětne Serbske ewangelske cyrkwinske dny. Wone podpěruje serbske wosadne žiwjenje a dźěło ze serbskimi dźěćimi a młodostnymi. Zhromadnje ze Serbskim wosadnym zwjazkom smy zamołwići za wudawanje časopisa „Pomhaj Bóh“, ale tež „Serbski lekcionar“, spěwnik za dźěći a druhe publikacije smy wobstarali. Podpěrujemy wobnowjenje pomnikow, kiž swědča wo serbskej ewangelskej tradiciji.

W našich rjadach je kóždy witany, kotryž čuje so zwjazany z ewangelskim Serbstwom a chce jo podpěrać.